'Ki Aaj' - Part 2

Ki pyaar tera bahut hi alag sa kuch raha

Ki jarurat nahi thi tujhe mujhe paane ya khone ki

Ki jud gaye the yunki hum bina kisi bahane ke

Sath rehne ki koi wajah jaruri na thi

Ki aaj bhi yeh ruh tere ehsaas par mahak rahi

Ki koi aur ispe apna haq kabhi na payega

Ki nazaron mein ek lau aaj bhi hai jal rahi

Adhuri hamari batein khud hi khud mein kahin ghul rahi

Ki afsos nahi hai hume aaj kisi bhi baat ka

Ki dil hi dil mein ab tak teri jhalak kahin pighal rahi

Ki yaad ab nahi hai ki sath hum kitna rahe

Kuch pal ke us sath mein har sham ab hai dhal rahi

Ki gurur sa hai ho gya ke tum kabhi toh the mile

Ki yeh pyaar khtam na hoga ab, bhale hi ab tum nahi

Ki soch mein hi ab sahi, sath hain par alag nhi

Yeh jism toh bas rakh hai, ruhaniyat-e-maujudgi mein ab teri...

yeh zindagi ubhar rahi

'Ki Aaj' - Part 1

'Ki Aaj'

Ki aaj tere khayal pe aankhen nam nahi hai

Ki aaj dil thoda sukun mein hai

Ki aaj tera naam zubaan pe hasi sa hai

Humne tujhe khone ke baad hi sahi tujse mohabbat toh ki

Ki log kuch paane ki chah mein yun bandhe hue hain

Ki jante nahi kisi ke pyaar ki koi kimat nahi hoti

Ki kho dete hai kisi ko hamesha ke liye

Phir chah kar bhi usse paya nahi jata

Ki aaj khud ko dekh kar aaine mein thoda gurur sa hua

Ki tune humse aisi kuch mohabbat ki thi

Ki aaj ek muskan tere pyaar ki zinda hai labon par

Tune anjane mein hi sahi iss jhali se mohabbat toh ki...



'Ki Aaj' - Part 2

"Udaan"

Man tar-tar ho raha hai

Aur Chehra pe muskaan hai

Dekh lo usse tum bhi

Vahi toh sabki jaan hai

Tehar-tehar ke

Soch samajh ke karti har kam hai

Koi chuk na ho jaye kahin

Vo uss ghar ki shaan hai

Par dekho zara gaur se

Uski nazron mei ek tufaan hai

Sailaab sa machal raha

Use bas ek mauke ki talash hai

Jan lo waqt bada kam hai

Pal-pal bas intzaar hai

Bediyan ab khul rahi

Use ab khudki pehchan hai

Tum kabhi samjhe nahi

Uske bhi kuch armaan hai

Ek pal mein ud gayi

Khula pura asman hai

Mud kar phir aa jayegi 

Ab bhi tumhari yahi soch hai

Par use ab koi fikar nahi

Uske liye hi toh pura jahaan hai...

"Aisa bhi ho jaye kabhi"

Koi hume bhi khone se ghabraye kabhi

Koi hume bhi kaise bhi paana chahe kabhi

Sachi nahin agar baatein kitabon ki

Toh bhi koi uss duniya mein le jana chahe kabhi

Koi bina mile na rehna chahe kabhi

Hume manane ke lakhon tarike dhund laye kabhi

Zindagi toh har kisi ki bandhi hui hai

Tod ke sab humse milne koi aaye kabhi

Koi yunhi humse milna chahe kabhi

Din rat bataon mei ghulna chahe kabhi

Chaand taron par toh bas kisi ka nahi

Par koi kuch bhi kar ke hume hasana chahe kabhi...

Memory In a Coffee Mug

(Zindagi Ke Panno Se)

Mein, jisse ab zindagi mei chai ke alawa kuch magical nahin lagta

Usse yeh baarish ke pani ke beech rakha hua coffee ka mug itna yaad aayega socha na tha

Some stories are never meant to be completed or to end

Life just gives us opportunities to have few episodes every now and then

We never get proper time with some people to actually reach somewhere

It’s just bits and pieces and how we decide to keep them is on us

Some may decide to just delete them, never have them again

Some may decide to give it a try to complete their story

And some like me just want these episodes to keep happening

We don’t want to think that we’ll never reach somewhere or we’ll get hurt

We are happy with whatever time we get

To all those stories that happen in parts in someone’s life and those that will never have any solid existence in life

For all those people who are like me

It’s better not to analyze

Let these moments blend within you

It’s better then never…

Zindagi chaho toh bahut lambi hai

Isme kuch palon ko ghulne do

Tum chahe sabse na milo

Par ek bar har kisi ko khud se milne do…

Flash Back [Date : 2nd Oct'16] 

Kalam Se

Kuch khayal hain yeh... thode pakke thode kache...

 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

"Ek breakup toh banta hai"

Vo ankhon hi ankhon mein anginat ishaare 

Unki ek jhalak pe badle sab nazare 

Har din ho raha intzaar 

Vo chori ki jhalak bar bar 

Par aata nahin labon pe izhaar

Kash khud-b-khud jud jaye dil ke taar 

Phir ek din ban gayi baat

vo pehli mulakat

Puri na hui jisme dil ki koi bhi baat

Bitaye din sath kuch do chaar 

Aur key diya phir… han tumse hai pyaar 

Bas phir kya…

Milna har roz, batein har din, har raat

Chode sab kaam, kya dost kya parivar 

Nikal gaye kayin mahine 

Jan liya sab, har din, har raaz

Ab shuru hui takraar 

Kabhi tera, kabhi mera

Chalne laga baton ka vaar

Chah ke bhi na raha 

Tute dil, dhara reh gaya pyaar

Har lamha aisa, jaise khatam ho gaya sansaar 

Phir yaad aaye ek-ek krke har yaar

Rona dhona Har kisi ke aage 

Bhale hi ho vo koi dur ka jaankar 

Jise na bhi pata ho tumhare pyar ka hisab 

Sunaya use shuru se ant tak dil ka haal

Phir kam hoti gayi logo ki tumhari kahani mei diljaspi 

Janne lage dhire-dhire tab apni khamoshi 

Khin dil na lage 

Phir thodi zindagi khud hi khud mei guzari 

Soch thodi gehrayi 

Kabhi na sochi thi jo batein 

Vo samajh mein aayi 

Zindagi ke maayene kuch is kadar zehan mein aane lage

Yaha tak aane mein naa jane kitne zamane lage

Phir aaya ek naya ehsaas 

Ab sab badalna hai 

In sabme nahi padna agli baar 

Pehle se jyada dhyan lagaane lage

Ache hone lage sab kaam

Phir kuch mahine, kuch saal 

Badal gaye khud, badla zindagi ka haal 

Khud ko Khud se behtar banaya 

Ab zindagi ka asli mayena samajh mein aaya

Ab jab bhi koi milta hai

Aur kehta hai, tum kitne badal gye

Hum sochte hain tab

Ki hum hi jaante hain hum kaise sambhal gye

Isliye janane ke liye zindagi ka raaz 

Chedna padta hai dil ka har saaz

Chahe jitna bhi gehra ho pyaar 

“Ek breakup toh bnta h yaar”

"Aur Tum"

Chehre Ko Chuta Hawa Ka Jhonka

Kadmon Ko Chuta Khara Paani

Suraj Ki Satrangi Kirnne

Aur Tum 

Kuch Khamoshiyan

Kuch Besir Paer Ki Batein

Haaton Se Fisalti Ret

Aur Un Sabke Beech Tum

Zindagi Ki Andhi Raftaar

Kuch Ukhde Sawaal

Lakhon Pabandiyaan

Aur Tum

Aankhon Mein Kayin Khwab

Shartein Behisaab

Mera Bebak Pyaar

Aur Sabke Beech Tum

"Kuch udgaar hai man ke"

Kuch udgaar hai man ke

Baaton mei jo aa pate nahi

Kuch sapne hain aankon mei

Saakar jo ho pate nahi 

Soch kar dekho kabhi

Iss zindagi ka matlab

jeevan ki bhagam bhag mai

Jaan hum pate nahi 

Ek khwahish dabi rehti hai

Dil ke kisi kone mei

Apne ya paraaye mei

saanjha kar pate nahi

Jis ghar me hum hai rehte

jeevan ka tana bana bunte

Uss chhat ke niche khud ko

Khoj kabhi pate nahi

Har roz hai nikalte

Kahin phuchne ki khwahish mei

Par sukoon jahaan mile

Vahan thor hum pate nahi...